P15

Palliasjon i fokus i min kommune! Korleis oppnå det?

Grete Skeie Sørhus1

1Vindafjord kommune, grete.skeie.sorhus@vindafjord.kommune.no    

Bakgrunn: Det var ynskjeleg med auka fokus på palliasjon i Vindafjord kommune (8700 innbyggarar) for best mogeleg livskvalitet hos palliative pasientar, samt leggja til rette for mest mogeleg heimetid og evt heimedød, som nemnt i nasjonale føringar.

Mål: Gjennomføre prosjekt med kompetanseheving innan palliasjon for alle yrkesgrupper som møter palliative pasientar i sitt daglege virke i kommunen.

Metode: «Prosjekt palliasjon i Vindafjord kommune»: 3-årig prosjekt med middel frå Helsedirektoratet. Prosjektorganisering med prosjektgruppe, referansegruppe og styringsgruppe. Kreftkoordinator prosjektleiar i 40% stilling.

Resultat: 

Digital opplæringspakke i lindrande behandling og omsorg ved livets slutt er fullført av 11 grupper med til saman 77 deltakarar: grupper med helsefagarbeidarar, andre fagarbeidarar og assistentar, og grupper med sjukepleiarar og vernepleiarar. Fire emne er gjennomgått med digital førebuing heime og gruppesamlingar med refleksjon, 6 møte à 2 timar. Ressurssjukepleiarar mentor i gruppene.

Nært samarbeid med avdelingsleiarane for praktisk gjennomføring. 15 timars emnekurs i palliasjon for fastlegar og sjukepleiarar, fordelt på 3 kursdagar med tema symptomlindring i livets sluttfase, førehandssamtalar, palliasjon til andre diagnosegrupper enn kreft og pasientforløp i palliasjon. Totalt 150 sjukepleiarar og legar frå Vindafjord og nabokommunar deltok. Førehandssamtalar vert tatt systematisk i bruk framover og palliasjon er tatt inn i kommunen sin helse- og omsorgsplan. Hausten 2022 er det planlagt kurs i nærværskompetanse og åndeleg omsorg. 

Konklusjon: Palliasjon er blitt satt på dagsorden og er kommen inn i kommunale planar. Tilbakemeldingar syner at kursdeltakarar har blitt tryggare og tar meir ansvar. Førehandssamtalar vert implementerte og eit kommunalt palliativt team vert vurdert.